ജലസംരക്ഷണവും ജലവിഭവങ്ങളുടെ നവീകരണവും

പ്രകൃതിയിലെ ജല സമ്പത്ത് കോട്ടംതട്ടാതെ സംരക്ഷിക്കുക എന്നുള്ളത് ഓരോ പൗരന്റെയും ഉത്തരവാദിത്വമാണ്. എന്നാൽ സമീപകാലത്ത് ഏറ്റവും കൂടുതൽ മലിനീകരിക്കപ്പെടുന്നതും ജലം തന്നെയാണ്.

ഈ അവസ്ഥയ്ക്ക് മാറ്റം ഉണ്ടാക്കുകയും ജലസ്രോതസിനെ സംരക്ഷിക്കുകയും ചെയ്യേണ്ടത് അനിവാര്യമാണ്. ഈ ലക്ഷ്യം നിറവേറ്റുന്നതിനായി ഡോ. എം.എസ്.സുനിൽ ഫൗണ്ടേഷൻ നിരവധി ജലസംരക്ഷണ പ്രവർത്തനങ്ങൾ സംഘടിപ്പിക്കുകയും പൂർത്തിയാക്കുകയും ചെയ്തു. അതിൽ പ്രധാനമാണ് 'ജീവാമൃതം' പദ്ധതി. ഈ പദ്ധതിയുടെ കീഴിൽ നടപ്പാക്കിയ കാര്യങ്ങൾ ചുവടെ ചേർക്കുന്നു.

40 കമ്പോസ്റ്റ് കുഴികൾ നിർമ്മിച്ചു

ഭക്ഷ്യ മാലിന്യങ്ങൾ നദികളിൽ ഒഴുക്കുന്നത് വലിയ തോതിൽ ജല മലിനീകരണത്തിന് കാരണമാകുന്നു. ഇതിന് പരിഹാരം എന്ന രീതിയിൽ ഫലപ്രദമായ മാലിന്യ നിർമാർജനത്തിനായി 40 കമ്പോസ്റ്റ് കുഴികൾ നിർമ്മിച്ചു. ഇതിൽ നിക്ഷേപിക്കുന്ന ഭക്ഷ്യ മാലിന്യങ്ങൾ പിന്നീട് വളമായി ഉപയോഗിക്കാൻ സാധിക്കും. വനവൽക്കരണം പ്രോത്സാഹിപ്പിക്കുന്നതിനായി കൊടുമൺ വില്ലേജിലെ അങ്ങാടിക്കൽ നോർത്തിലായി 30 'മഴക്കുഴികൾ' സ്ഥാപിച്ചു.