സൗജന്യ ഭക്ഷ്യ, പലവ്യഞ്ജന വിതരണം

സുസ്ഥിര വികസനത്തിന് അനുസൃതമായ ഭക്ഷ്യ സുരക്ഷയും മെച്ചപ്പെട്ട പോഷകാഹാരവും കൈവരിക്കുക എന്ന ലക്ഷ്യത്തോടെ സംഘടിപ്പിക്കുന്ന പദ്ധതി.

മുകളിൽ സൂചിപ്പിച്ചത് പോലെ കേവലം ഭവന നിർമ്മാണത്തിൽ ഒതുങ്ങുന്നതല്ല ഡോ. എം. എസ്‌ സുനിൽ ഫൌണ്ടേഷന്റെ സാമൂഹിക പ്രവർത്തനങ്ങൾ. അതിൽ വളരെ പ്രധാനപ്പെട്ട ഒന്നാണ് 'സൗജന്യ ഭക്ഷ്യ, ഫലവ്യഞ്ജന വിതരണം'. എല്ലാ മാസവും ഡോ. എം. എസ്‌. സുനിൽ നേരിട്ട് സന്ദർശിച്ച് അർഹരായ കുടുംബങ്ങൾക്ക് തന്റെ സ്നേഹവും കരുതലും ഭക്ഷണ കിറ്റുകളായും ഫലവ്യഞ്ജന കിറ്റുകളായും എത്തിക്കുന്നു.

വയോജനങ്ങൾ, വിധവകൾ, ക്യാൻസർ രോഗികൾ, എച്ച്ഐവി രോഗികൾ, പോഷകാഹാര കുറവുള്ള കുടുംബങ്ങൾ, ഇവർക്കെല്ലാം തന്നെ എല്ലാ മാസവും ടീച്ചറുടെ കാറിന്റെ ശബ്ദം കേൾക്കുന്നത് വലിയ പ്രതീക്ഷയുടെ നാദമാണ്. മുപ്പത് കുടുംബളെ ഉൾപ്പെടുത്തി 2008-ലാണ് ഈ പദ്ധതിക്ക് തുടക്കം കുറിച്ചത്.

ഇന്ന് ഈ സ്നേഹ പദ്ധതിയുടെ ലാളണം അനുഭവക്കുന്നത് പത്തനംതിട്ട, കൊല്ലം, ആലപ്പുഴ എന്നീ ജില്ലകളിലെ നൂറോളം കുടുംബങ്ങളാണ്. സഹാനുഭൂതിയും സന്മനസ്സുമുള്ള ദുബൈയിലെ കുടുംബ കൂട്ടായ്മയും 'ദിശ' എന്ന സംഘടനയും ടീച്ചറുടെ സ്വന്തം വരുമാനവും ചേർന്നാണ് ഈ പദ്ധതിക്കായുള്ള ചിലവുകൾ നടത്തി വരുന്നത്.

ഓരോ കിറ്റിലും അരി, ധാന്യങ്ങൾ, പഞ്ചസാര, വെളിച്ചെണ്ണ, മുളക് പൊടി, ഉപ്പ്, മല്ലിപ്പൊടി, ടോയ്‌ലറ്റ് സോപ്പ്, വാഷിംഗ് സോപ്പ്, ബിസ്‌ക്കറ്റ്, ബ്രെഡ്, കാപ്പിപ്പൊടി, ചായപ്പൊടി, മഞ്ഞൾപ്പൊടി, ഗോതമ്പ് പൊടി, അരിപ്പൊടി, കടുക്, ഓട്സ്, പച്ചക്കറികൾ തുടങ്ങിയവ അടങ്ങിയിരിക്കുന്നു.