323 -മത് സ്നേഹഭവനം സമർപ്പിച്ചു
(05-Oct-2024)
സാമൂഹിക പ്രവർത്തക ഡോ.എം.എസ്. സുനിൽ ഭവനരഹിതരായ സുരക്ഷിതമല്ലാത്ത സാഹചര്യങ്ങളിൽ കുടിലുകളിൽ കഴിയുന്ന നിരാലംബര്‍ക്ക് നിർമിച്ചു നൽകുന്ന 323 -മത് സ്നേഹഭവനം പ്രദീപ് തോമസിൻ്റെ സഹായത്താൽ ഏഴംകുളം വയല പരലത്ത് പുത്തൻവീട്ടിൽ സീനയ്ക്കും മകൾ വീണക്കുമായി നിർമ്മിച്ചു നൽകി.വീടിൻ്റെ താക്കോൽദാനവും ഉദ്ഘാടനവും പ്രദീപ് തോമസ് നിർവഹിച്ചു.വർഷങ്ങളായി സ്വന്തമായി ഒരു ഭവനം നിർമ്മിക്കുവാൻ പറ്റാത്ത അവസ്ഥയിൽ ഭർത്താവിനാൽ ഉപേക്ഷിക്കപ്പെട്ട സീന കോഴഞ്ചേരി സെൻറ് തോമസ് കോളജിൽ പി.ജി. വിദ്യാർത്ഥിനിയായ മകൾ വീണയുമായി സുരക്ഷിതമല്ലാത്ത സാഹചര്യത്തിൽ ആയിരുന്നു താമസിച്ചിരുന്നത്. വീട്ടു ചിലവുകളും മകളുടെ വിദ്യാഭ്യാസ ചിലവുകളും മൂലം ബുദ്ധിമുട്ടിയിരുന്ന സീന സ്വന്തമായ ഒരു ഭവനം ഇല്ലാതെ എങ്ങോട്ട് പോകണമെന്ന് അറിയാത്ത സ്ഥിതിയിലായിരുന്നു. സീനയുടെയും മകളുടെയും അവസ്ഥ മനസ്സിലാക്കിയ ടീച്ചർ ഇവർക്കായി രണ്ട് മുറികളും അടുക്കളയും ഹാളും ശുചിമുറിയും സിറ്റൗട്ടും അടങ്ങിയ 650 സ്ക്വയർ ഫീറ്റ് വലുപ്പമുള്ള വീട് നിർമ്മിച്ചു നൽകുകയായിരുന്നു. ചടങ്ങിൽ പ്രോജക്ട് കോഡിനേറ്റർ കെ.പി.ജയലാൽ,പ്രിൻസ് തോമസ്,മിറ്റ്സി പ്രദീപ്, മായ,ഷോൺ തോമസ്, അനിത, നിതിൻ തോമസ്, നേതന്‍ തോമസ്, സുമാ ദേവി, ദേവി.ആർ.നാഥ്, അമൃത.എല്‍. എന്നിവർ പ്രസംഗിച്ചു.
